ՔԱՂԱՔԱԿԱՆՈՒԹՅՈՒՆ

ՈՒՂՂՎԱԾՈՒԹՅՈՒՆ ԵՎ ՇՐՋԱՆԱԿ

«Ճարտարապետական և ճարտարագիտական հետազոտությունների ամսագիր»-ը (JAER) գրախոսվող, բաց հասանելիություն ունեցող և անվճար տպագրվող էլեկտրոնային միջազգային ամսագիր է։ Մասնագիտական ուղու ցանկացած փուլում գտնվող հեղինակ, այդ թվում՝ հետազոտական ուղին նոր սկսող հետազոտողներ, գիտնականներ և երիտասարդ մասնագետներ կարող են իրենց աշխատանքները հանձնել տպագրության։ Ամսագիրը ներառում է հետևյալ գիտական ուղղվածությունները՝

 1. Տեխնիկական գիտություններ

• ·         Շինարարական նյութեր և պատրաստածքներ,
• ·         Հիմքեր և ֆունդամենտներ, ստորգետնյա կառույցներ,
• ·         Շինարարական կառույցներ և սեյսմակայուն շինարարություն,
• ·         Տեխնոլոգիաներ և շինարարության կազմակերպում,
• ·         Շինարարական մեխանիկա,
• ·         Հիդրավլիկ ճարտարագիտություն և հիդրոէներգիա,
• ·         Հիդրավլիկա և ինժեներական հիդրոլոգիա,
• ·         Տրանսպորտային ենթակառուցվածքներ (ճանապարհներ, կամուրջներ),
• ·         Ներքին և արտաքին ինժեներական սարքավորումներ և ցանցեր (ջրային համակարգեր, ջրամատակարարում և ջրահեռացում, ջեռուցում, էլեկտրամատակարարում և գազամատակարարում, օդափոխություն և օդորակում),
• ·         Շինարարական տեխնիկա և երթևեկության կառավարում,
• ·         Ճարտարագիտական գեոդեզիա,
• ·         Մոդելավորումը և տեղեկատվական տեխնոլոգիաները շինարարության ոլորտում։

2. Ճարտարապետություն

• ·          Շենքերի և շինությունների ճարտարապետություն,
• ·          Քաղաքաշինություն (տարածական պլանավորում),
• ·         Ճարտարապետության տեսություն և պատմություն, ճարտարապետական հուշարձանների վերականգնում,
• ·         Մոդելավորումը և տեղեկատվական տեխնոլոգիաները ճարտարապետության ոլորտում։
  
  

ԳՐԱԽՈՍՄԱՆ ԳՈՐԾԸՆԹԱՑ

Ամսագիրն իրականացնում է կրկնակի կույր գրախոսում։ Գրախոսման ողջ ընթացքում և՛ գրախոսների, և՛ հեղինակների ինքնությունը թաքցված է միմյանցից։

ՀՐԱՏԱՐԱԿՄԱՆ ՀԱՃԱԽԱԿԱՆՈՒԹՅՈՒՆ

Ամսագիրը հրատարակվում է էլեկտրոնային եղանակով՝ տարեկան 2 համար:

ՀՐԱՏԱՐԱԿՈՒՄՆԵՐԻ ԷԹԻԿԱ

Հեղինակները պարտավոր են համոզվել, որ իրենց աշխատանքները հիմնված են բնօրինակ, նախկինում երբեք չհրատարակված հետազոտության վրա։ Աշխատանքը կրկնակի հրատարակության դիտավորյալ ներկայացնելը կամ կրկին ներկայացնելը համարվում է հրատարակչական էթիկայի խախտում:

 Ամսագրին ներկայացված բոլոր հոդվածները ենթակա են ստուգման գրագողության առկայությունը ստուգող ինտերնետային ծառայություններում՝ փոխառությունների առկայությունը ստուգելու նպատակով: Եթե գրագողություն հայտնաբերվի գրախոսման ընթացքում, հոդվածի տպագրությունը կարող է մերժվել: Եթե գրագողություն հայտնաբերվի հրատարակվելուց հետո, մենք կարող ենք հրատարակել ուղղված տարբերակը կամ չեղյալ համարել հոդվածը: